Pituffik Space Basemi aserfallatsaaliuinermut isumaqatigiissut Inussuk A/S-ip tigusussanngorpaa
Pituffik Space Basemi ingerlatsinermik aserfallatsaaliuinermillu ingerlatsineq pillugu, Inussuk ullumikkut United States Space Force (USSF) peqatigalugu isumaqatigiissusiorput.
Inussummi qaammatit kingulliit arfinillit ingerlaneranni tunniussisoqarnissaanut piareersarsimavugut, suliassarpassuillu nutaat piareersimaffigilluarlugit, Inussummi allaffissornikkut pisortaq Jeppe Bloch Steffensen oqarpoq:
”Piffissaq atorluarsimavarput piginnaasallu pisariaqartinneqartut ilungersorluta anguniarsimavagut, taamaalilluni tunniussineq apeqqutaatinnagu sullissatta pitsaasumik sullinneqarnerat allanngorani pitsaasuuginnarniassammat.”
Sumiiffimmi ilisimasaqassuseq pigiliunneqarsimasoq siunissami attatiinnarneqarnissaa Permagreen Vectrus Servicelu peqatigalugit Inussummiit qulakkeersimavarput. Jeppe Bloch Steffensenillu USSF-imut pilersuisutut suliffeqarfiup pilersuisutut atuuffia ilanngullugu neriulluarfigisorujussuuaa.
”Sullissatsinnut pitsaanerpaamik sullissinissarput siullertut ilungersuutigissavarput. Kisianni Kalaallit Nunaata sakkutooqarfimmut atassuteqarnerulernissaa aamma anguniagaavoq. Taamaattumillu suliassani naammassiniagassani suliffeqarfiit nunaqavissut peqataatinneqartarnerat nukittorsarneqassaaq. Aammalu nunaqavissunik sulisussarsiortarnerup ilinniartussarsiortarnerullu iliuuseqarfigineqartarnera annertusarneqassalluni,” Jeppe oqaluttuarpoq.
Inussummi qitiusumik allaffitsinniit Nuummiittumi sulivugut. Uanilu sumiiffigisatsinni suliffeqarfiit, peqatigiiffiit atuarfiillu attaveqarfigilereernikuuagut, akimortumik attaveqaqatigiinnitta nukittuujunissaa siunertaralugu.
Amerikkarmiut najuunnerat Kalaallit Nunaanni inuiaqatigiinnit tamanit iluaqutigineqarnissaa ukkatissavarput. Ukiunilu tulliuttuni tamanna suliarissavarput,” Jeppe Bloch Steffensen oqarpoq.
Ilaatigut makku Pituffimmi suliarissavagut:
Facility Management (Ingerlatsineq aserfallatsaaliuinerlu)
Innaallagissamik kiassarnermillu pilersuineq kiisalu nukissiorfimmik aserfallatsaaliuineq
Peqqinnissakkut kiffartuussinerit napparsimaveeqqamillu ingerlatsineq
Qatserisartoqarneq annaassiniarnerlu
Sumiiffimmi aqutsineq pilersuinikkut pisiniartarnermi, quersuaqarnikkut ikummatissanillu aqutsinikkut, nassiussanik piareersaanermi aammalu motorilinnik ingerlassissutinik aserfallatsaaliuinermi kiisalu biilileriffimmik ingerlatsinermi
Sullissinikkut aqutsineq kantiinaqarnikkut, ineqarnikkut, sunngiffimmi sammisassaqartitsinermi allaffissuussinikkut matumani sutorniartarfiup timigissartarfiullu ingerlanneqarnera ilanngullugu
Mittarfiup, mittarfeqarfimmi utaqqisarfiup mittarfiillu taxaannik ingerlatsineq
Attaveqarneq qarasaasiaqarnerlu isumannaallisagaanngitsoq
Angallaffiit qalliutaannik toqqaviinillu pitsanngorsaaneq.
Annertunerusumik apeqqutissaqartoqarpat attavissaq:
Program Manager Michelle Kielmann Jarl
mkj@permagreen.gl