INUIAQATIGIINNUT PEQATAANEQ
Inussuup innuttaasut ileqqui kusanartut inooriaasaallu ataqqivai, ulluinnarnilu kalaallinut peqataavugut, inuiaqatigiinnut pimoorussilluta, ilagigatsigimmi. Pilersaarutit pilersitsiniarnerillu atorlugit Inussuk inooriaatsikkut ataqatigiinnerni aammalu suliffeqarfiup innuttaasullu akornanni isumassarsianik avitseqatigiittarnernik nukittorsaarusuppoq. Siunnissaq ungasinnerusoq ilaaffigisussaavarput inuiatigiinnullu peqataanerput pingaarnertut isigaarput siunissami sulinissatsinnut.
TAMAKKIISUMIK
INNUTTAASUT PEQATAATINNISSAANUT SULINIUTEQARNERIT
Greenlandic Heritage Week – Ukiut tamaasa upernaakkut piniartut Qaanaameersut nunaqarfinneersullu ilaquttatik peqatigalugit sakkutooqarfimmukartarput. Sapaatip akunnerata ingerlanerani sakkutooqarfimmi innuttaasut niuernikkut, qimussimik sukkaniunnikkut, pinnguaatinik tamatigoortumillu piorsarsimassutsikkut avitseqatigiinnikkut sammisaqaqatigiittarput.
Naalakkersuisunut suleqatigiissitat - Tulluusimaarutigaarput politikkikkut suleqatigiisitamut kalaallit nunaani nalaakkersuisunut peqataanerput. Maannakkut Ilinniartunut Aqqutissiuisorput Margrethe Poulsen suleqatigiisitamut peqataavoq, pilersitsivittut ilinniarfissanut innersuussanik misissuinernut, ilinniartunut meeqqat atuarfianiit uniinnarsimasunut tulluussarlugu ilusilersugaasussamut.
Sulisitsisuni aamma CSR Greenlandimi ilaasortaaneq - Sulisitsisuni aamma CSR Greenlandimi ilaasortaavugut. Suliffeqarfiup inuiaqatigiinni akisussaaqataanera ilumoorsaartumik tigummivarput aammalu Kalaallit Nunaanni inuussutissarsiornikkut peqataasutut immitsinnut isigivugut.
Pituffimmi innuttaasunut siunnersuisoqatigiit suleqatiginerat - Pituffimmi innuttaasunut siunnersuisoqatigiinnut qinigaasimasut sulinerat ataqqivarput. Qarasaasiat aamma TV atorlugit qinerneqarsimasut saqqummiunneqartarput. Siunnersuisoqatigiit annertunerusunik pilersaarusiussagaangatta aamma attaveqaqatigigisarpagut, Inuiattut ullorsiortarneq aamma pineqarluni.
Operation Julemand - Sakkutuut (USSF) suliniutaat tapersersorpagut, Operation Julemand, tassaasoq juullikkunni Qaanaami meeqqanut poortukkanik pajuttartut.
Visits from Hunters - piniartunit Qaanaameersunit nunaqarfiininngaanneersunillu, tikeraartoqarneq Sakkutuut (USSF) suleqatigalugit ikorfartorparput. Piniarnerup nalaani piniartut Dundasimi illuaqqani unnuisarput, sakkutooqarfimmi atortorissaarutit aamma atorsinnaallugit.
GREENLANDIC HERITAGE WEEK
Ukiuni 50-ini kingullerni Piorsarsimassutsikkut Avitseqatigiinneq ileqqut tulluusimaarutaasut ataqqiniarlugit katersuuffiusarpoq Pituffimmi sulisut, ilaqutariit qanittumi illoqarfimmi nunaqarfinnilu najugallit katersuunnerisigut, malunnartinniarlugu nunap immikkoortuani piorsarsimasutsikkut ileqqorpassui. Eqqumiitsulianiit assassukkanut, qimussinik sukkaniuunnernut angalaarnernullu, nuannaarutaasumik festivaleqartarpoq, qanittumi najugallit sakkutooqarfimmiunullu ataqatigiisilertitsisartumik.
AVATANGIISIT ISUMANNAATSUUNISSAAT
Avatangiisinut, Isumannaallisaanikkut aammalu Peqqissutsikkut aqutsisorput Kalaallit Nunaanni Sullivinnik Nakkutilliisoqarfik suleqatigalugu saaffiginnissutinik suliaqartarput misissuisarlutillu qulakkeerniarlugu sullivimmi isumannaatsumik avatangiiseqarnissaq.
